'Andrés Isasi' Musika Eskolako piano-ikasleek 'Soinuak' ekimenean parte hartu dute, musikaren bitartez Urdulizko ospitaleko pazienteei laguntza emozionala emateko

Urdulizko Ospitalean egun oso bereziak bizi izan ziren joan den asteburuan, maiatzaren 8an eta 9an, SOINUAK ekimenari esker, Osakidetzak musikaren bidez osasun-arreta humanizatzeko eta ospitaleko pazienteei laguntza emozionala emateko duen proiektuaren barruan, hain zuzen ere.

Ostiral arratsaldean eta larunbat goizean, Getxoko ‘Andrés Isasi’ Musika Eskolako piano irakasleak hainbat musika emanaldi eskaini zituen ospitaleko zenbait gunetan, osasun-zentroa sentikortasunez eta gertutasunez betez.

Ekimen horri esker, lasaitasun- eta ihes-uneak sortu ziren pazienteentzat, familiakoentzat eta profesionalentzat, eta ordu batzuez ospitale-ingurunea espazio beroago eta gizatiarrago bihurtu zen. Bai senideak eta baita gaixoak ere, emanaldiak amaitzean, ikasleak zoriondu eta bizitako esperientzia eskertzeko hurbiltzen ziren, musikaren bidez sortutako giroak hunkituta. Tratamendu eta zainketa medikoez gain, sentsibilitateak, enpatiak eta musikak sendatzen ere lagun dezaketela gogorarazteko apustua.