Getxo Kultura

Romo Kultur Etxeak (RKE) getxotarrei hainbat zerbitzu eskaintzen ditu, askotariko beharrizanei erantzueko asmoz. Bere zazpi solairuetan, 5.500 metro karratutan, eraikin moderno, irisgarri eta seguru honek adin guztietako pertsonak biltzen ditu, belaunaldi arteko espazioa eratuz.

Algortako Kultur Etxeak askotariko zerbitzuak eta balio anitzeko aretoak eskaintzen ditu, Getxoko elkarteen eta eskualdeko kultur eragileen jarduera barne hartzeko. Espazio honetan Liburutegia eta ikasteko aretoak era daude erabitzaileen eskura.

Romoko liburutegia zerbitzu ugari eskaintzen dituen espazio modernoa da. Helduentzako eta haurrentzako liburutegi bereiziak daude bertan, baita bebeteka bat ere, adin goiztiarreko erabiltzaileak estimulatzeko. Bideoteka, fonoteka, automaileguko eta autoitzulketako terminalak, prentsa, bertan erabiltzeko ordenagailu eramangarrien mailegua eta ikasteko espazioak dira zentroak erailtzaileen eskura jartzen dituen beste zerbitzu batzuk.

Villamonteko liburutegiak irakurketa-gune berezituak ditu helduentzat eta haurrentzat. Liburu eskaintza zabalarekin batera, bideoteka eta fonoteka ere badaude, eguneroko prentsa zerbitzuaz eta aldizkariez gain. Zentroak, gainera, automailegurako eta autoitzulketarako terminalak ditu, eta ordenagailu eramangarriak ditu eskura aretoan bertan erabiltzeko.

Algortako erdigunean kokatua, San Nicolaseko liburutegia helduentzako gunea, publiko horretarako berezko liburu-funtsa duena. Gainera, honako zerbitzu hauek ere eskaintzen ditu, besteak beste: bideoteka, fonoteka, automaileguko eta autoitzulketako terminalak, aldizkariak eta bertan erabiltzeko ordenagailu eramangarriak.