Bizkaiko musikari tradizionalak

Erakusketa hau Bizkaiko musika tradizionalaren bihotzera egindako bidaia da, bere historia markatu duten mitoak omentzen dituen ibilbidea. Herri musikaren funtsezko bost instrumentu ditugu ardatz: txistua, soinu-txikia edo trikitixa, panderoa, alboka eta dultzaina. Horietako bakoitzaren adierazgarri diren hiru interpretatzaile aukeratu ditugu; badakigu ez daudela diren guztiak, eta beste musikari askok ere mereziko luketela hemen egotea. Soinu eta oroitzapenen mundu honetan murgiltzera gonbidatzen zaituztegu, mito horien esentzia ezagutzera eta, belaunaldiz belaunaldi, gure identitate musikalaren bilbe aberatsa ehundu duten legendak berpiztera.