Getxo Arte 2026

GETXOARTEk arte garaikidearen inguruko topaketa, sorkuntza eta hausnarketarako gune bat irekiko du berriro ere. Azaroan zehar, RKEk eta Getxoko beste espazio batzuek erakusketak, hitzaldiak, tailerrak eta publikoari irekitako beste proposamen batzuk hartuko dituzte. Artea loturak sortzeko, galderak aktibatzeko eta harremanak izateko gure modua eraldatzeko gai den praktika gisa ulertzen duen programa.

RKEko erakusketa aretoan, GETXOARTE EKOIZPEN BEKA irabazi duen Julen Etxebarriak El tercer paisaje (II) proiektua aurkeztuko du.

MI VECIN@ES ARTISTA proposamenean topaketarako eta elkarrizketarako guneak sortuko dira, parte-hartzaileak tokiko artistekin eta haien lan-prozesuekin harremanetan jartzeko. Praktika artistikoarekin harreman zuzena izateak begiratzeko, pentsatzeko eta egiteko beste modu batzuetara hurbiltzeko aukera ematen du, eta egunerokotasuna ulertzeko eta bizitzeko aukera berriak zabaltzen ditu, ikuspegi sentikorrago eta gogoetatsuago batetik.

Sorkuntza artistikoaren funtsezko zati bat egitean datza: inplikatzea, probatzea, partekatzea eta sortzea beste pertsona batzuekin batera. Ildo horretan kokatzen dira GETXOARTE ESKOLETAN proposamenak, non 13 artistek beren egiteko moduak partekatu dituzten Getxoko 8 ikastetxetako lehen hezkuntzako, bigarren hezkuntzako eta batxilergoko 17 eskola-talderekin, eta AIRE ZABALEKO PINTURA LEHIAKETA.

Esperientzia artistikoa espazio publikora eramaten duen ekimena eta gorputza, begirada eta ekintza jokoan jartzen dituzte.

Getxoartek, horrela, esanahizko eraikuntza kolektibo baten aldeko apustua egiten du, non ahots eta esperientzia ezberdinek beren lekua aurkitzen duten.
Artea publikoari hurbiltzeaz gain, hainbat ikuspegitatik bizi, zalantzan jarri eta berrinterpretatu ahal izateko baldintzak sortzea du helburu.