Bizipoza

Getxo Arte 2024 programaren baitan, Ramón Churrucak 1989-2024 urteetan egindako Collages erakusketak Instalazio gisa aurkeztuko ditu eta inaugurazio egunean, azaroaren 29an, 19:30ean, egingo duen performancean. “Las Arenas Movedizas” argazki sorta ere aurkeztuko du, Alejandro de la Rica, Eneko Caos eta Oier Ituarte argazkilariekin elkarlanean.
Performance-arekiko eta haren inguruko errealitatearekiko begiradak, dedikazioak eta konpromisoak diziplina horretan Euskal Herrian dagoen artistarik adierazgarrienetakoa egiten dute Ramon Churruca. Bere ekintzetan, ideiak, bere gorputza eta objektuak erabiltzen ditu publikoa harrapatzeko transmisio-tresna gisa.

Churrucak (1964) bideo-performance ikasketak egin zituen BFA San Francisco Art Instituten, eta Vito Acconci eta Allan Kaprowrekin ikasi zuen, besteak beste.  1996an ekin zion performer lanari. Harrezkero, hainbat proiektutan lagundu du, Alex de la Iglesiarekin eta Bruce Millerrekin lan egin du, eta performancea egin du eta bere bideoakzioak erakutsi ditu IVAM, Reina Sofía, Centro Montehermoso, Espacio Abisal, Rekalde aretoa… bezalako espazioetan eta performatibaren inguruko jaialdi askotan. 2016an, Euskal Herriko artista berrien biltzarreko artista gonbidatua izan zen.

Bere azken proiektua urrian aurkeztu zen Bilboko Spacio Grossi aretoan. Churrucak 2015ean sortutako ideiari heltzen dio berriro, eta bineta berriak gehitzen dizkio Fausto komikiari, Fausto Grossi performer, eskultore eta pizzero maisu italiarrarekin, bakardadeari buruzko salaketa baten protagonista gisa, John Fadeffen marrazkiekin.

Denbora ez da sehaskaren eta hilobiaren arteko autobide digital bat, baizik eta espazio bat gizateria eguzkipean hazteko! Gaur bizi! Gaur kanpoan egon! Zoriontsu izan hemen eta orain! Ez dezagun bizi nahi dugun telefono mugikor baten pozaren menpe egon. Phil Bosmans-en bizitzearen poza, 2024rako berriro ukitua.