Itsas-geruzak

Geruzaz geruza ezagutu daiteke herri baten historia. Geruzaz geruza sortzen da herri baten izaera. Itsasgeruza, argazki serie honetako bakoitza, leku berean atera dira, Getariako portuan eta itsas emakume eta gizonek, modu inkoziente batean sortuak izan dira.

Argazki serie honen bitartez, portuko esentziarekin bat egiten dugu, herri baten nortasunarekin eta era berean, esperientzia bisual eta abstraktu baterako atea zabaltzen zaigu. Arte-lan hauetan, denboraren iraganak sortzen dituen lerro, kolore, textura eta formez gozatuko dugu, eta bide horretan, ezkutuan dagoen gure identitatearekin bat egingo dugu, detaile sutilen bitartez.

Hor daude, begi-bistan, txalupa, gurdi, arraun eta portuko hormetan. Oharkabean diraute baina kameraren klick bati esker, arte lan bilakatzen dira. Mundu txundigarri eta enigmatiko batean murgiltzeko gonbitea egiten du. Bertan, Getariako portuko detailerik sotilenak eta harrigarrienak berpizten dira argazkilaritza makroaren bitartez. Irudi bakoitza, kapaz

kapa sortua izan da, portuko itsas-emakume eta gizonen eraginez eta urteen joan etorriak, eguraldiak eta salitreak azken ukitua eman die margolanei.

“Art trouve” modalitate artistikoaren barnean sar genezake lan hau. Frantsezezko termino honek, “topatutako artea” adierazi nahi du eta XX. Mendearen hasieran sortu zen korronte artistikoari egiten dio erreferentzia. Egunerokotasunean topatzen ditugun objektu arrunt eta ohikoei balore artistiko bat ematean datza. Argazkigintzaren historian atzera eginda, “Itsas-Geruzak” argazki serie honek, Aaron Siskind (1903-1991) argazkilari Estatu Batuarraren lana ekartzen digu gogora. Siskind “art-trouve” mugimenduaren aintzindaria

izan zen eta egunerokotasunean topatzen zituen objektu arrunt eta baliogabeei edetasuna topatzen saiatzen zen argazkilaritzaren bitartez. “Art trouve” korronte artistikoaren bitartez, Siskind-ek argazkilariaren papera berdefinitu zuen. Bere ustez, argazkilaria, begiratzen dakien artista bat izateaz gain, topatutako horri esanahi bat emateko gai den artista bat

Belaunaldi aldaketak tarteko, gizarteak itsasoarekin duen harremana gero eta urrunagoa den honetan, portuak oihu egiten digu bere kolore eta forma bizienekin, biziraute dei bat balitz bezela.

Bitartekotza: Argazki erakusketa eta tailerrerako sarrera (mugikorrekin edo kamerarekin) – urriaren 3a, larunbata. 11:00