Fly me to the moon

‘Fly Me to the Moon’ ikuskizunak bi pailazo laguntzen ditu ilargirantz egindako bidaia ezinezko bezain hunkigarri batean. Ametsaren eta errealitatearen artean, hitzik gabeko umorea, poesia bisuala eta irudimena batzen dira adin guztietako ikusleentzako ikuskizun honetan, mundua haurren begiekin ikustera gonbidatuz. Barruan haur bat daramaten guztientzat..

Adi! Data aldaketa. Azaroaren 29ko hauteskunde orokorrak direla eta, igandean, hilak 29, programatuta zegoen ‘Fly Me to the Moon’ haurrentzako ikuskizuna aurreko asteko igandera, azaroaren 22ra, aurreratu da. Aurreikusitako ordutegia (18:00) mantenduko da.

Sarrerak

• ‘Fly Me to the Moon’ haurrentzako ikuskizunaren kasuan, hasierako datarako aurrez erositako sarrerak azaroaren 22rako baliodunak izango dira. Ados ez egonez gero, horien itzulketa egingo da urriaren 8tik aurrera. Online erositako sarreren kasuan, itzulketa automatikoki egingo da. Getxo Kulturaren salmenta-puntu fisikoetan egindako erosketen kasuan, Muxikebarriko leihatilara joan beharko da itzulketa eskatzeko.