Familientzako Programazioa

Ezin dugu ahaztu Areetako Geltokiko Plaza berriaren aire zabaleko anfiteatroa. Bertan, publiko guztientzako eta, batez ere, familia osoarentzako proposamenak izango ditugu. Ostiralean, hilak 15, Odaiko talde galiziarrak perkusioa umoretik eta tradizioa eta modernitatea osatzen duten elementu berezien eszenaratzea ekarriko digu. Larunbatean (goizez eta arratsaldez) eta igandean (goizez), familiek sorkuntzako musika-tresnekin esperimentatu ahal izango dute, “Orquestronia” instalazio parte-hartzaileari esker, eta arratsaldean, erraldoi eta buruhandien kalejira ere izango dugu, Agurra talde getxotarraren eskutik. Igandean amaiera emango diogu jaialdiari anfiteatroan, Iholdi Beristain aktoreak eta Peru Irastortza Santxo bertsolariak ahotsa jartzen dioten “Labarretan” dantza eta diziplina anitzeko ikuskizunarekin.

Irailak 15 , ostirala 17:00etan.

• Odaiko (Galizia)

Irailak 16, larunbata

• 10:00-14:00. / 16:00-20:00: Orquestronia
• 17:00etan: Buruhandi eta erraldoiak (Agurra)

Irailak 17,  igandea

• 10:00-14:00: Orquestronia
• 17:00etan:  Labarretan (Zelako kultur ideiak) Dantza eta bertsolaritza.