45. Aste Korala

Aurtengo edizioan, nazioarteko hiru abesbatza ospetsu izango dira Muxikebarrin, egungo panorama koralaren aniztasuna eta bikaintasuna erakutsiz. Alemaniatik etorriko den Ensemble Vocapella Limburg gizonezkoen talde entzutetsuak erromantizismoko eta egungo musika koraleko obra esanguratsuenetan oinarritutako programa eskainiko du. Esloveniako Chamber Choir Ipavskak, berriz, musika sakratua, Esloveniako herri-musika eta gaur egungo sorkuntza korala uztartzen dituen errepertorioa interpretatuko du. Zikloa Indonesiako Saint Angela Choir gazte-abesbatzak osatuko du; nazioartean aitortutako talde honek maila tekniko bikaina eta adierazkortasun handiko nahiz estilo askotariko errepertorioa uztartzen ditu.