Badena eta ez dena

Mikel Urdangarinek Bilboko Orkestra Sinfonikoarekin lankidetzan garaturiko proiektua dakarkigu: “Badena eta ez dena”. Biek betetzen dute urteurrena, eta lerrokatze planetarioa balitz bezala, biak elkartu dira abeslari zornotzarraren errepertorioa era bikainean grabatu eta eguneratzeko. Kontzertu honetan Mikelen kantutegitik hautatutako abesti esanguratsuenez gozatuko dugu eta baita abesti berri batez ere. Orkestrarako moldaketa gehienak Bingen Mendizabaleak burutu ditu, bi izan ezik: Kideari abestia Fernando Velázquez orkestra zuzendariak moldatu du; eta Munduari begiratzeko modu bat Koldo Uriarteren lana da, musikaria eta diskoaren produktorea.