Xabi Aburruzaga eta Xabi Díaz & Adufeiras de Salitre

Getxo Folkerako espresuki sortutako ekoizpen honek Xabi Aburruzaga, Xabier Díaz eta Adufeiras de Salitre elkartuko ditu oholtza berean, Atlantikoko arkuaren bi musika-tradizio sendoenen arteko topaketa berezi batean. Trikitixak Galiziako ahots polifonikoekin, adufeekin eta panderoekin egingo du bat, errepertorioen truke hutsa gainditu eta sustraietatik abiatuta hizkuntza musikal partekatu bat eraikitzeko. Kontzertu honek ahozko ondarearen aberastasuna eta musika tradizionalak adierazpenerako bide berriak sortzen jarraitzeko duen indarra aldarrikatzen ditu.

Taldekideak:

• Xabier Aburruzaga (trikitixa eta ahotsa)
• Xabier Díaz (ahotsa, perkusioa)
• Eriz Perez (gitarra)
• Jon Cañaveras (baxua)
• Ruben Isasi (txalaparta, perkusioa eta flauta)
• Aitor Uribarri (bateria)
• Iñigo Olazabal (txalaparta eta perkusioa)
• Roberto Grandal (akordeoia)
• Virxilio da Silva Fernández (gitarra)
• Iván Costa (zanfona)
• Adufeiras de Salitre